Ish-përfaqësuesi politik i UÇK-së, Bardhyl Mahmuti, e ka qujatur të kurdisur procesin gjyqësorë ndaj rastit “Syri i popullit”.
Ai përmes një postimi në Facebook, ka shkruar se “të dënohet Murat Jashari me 10 vjet trajtim të detyrueshëm psikiatrik dhe, në të njëjtën kohë, të merren për bazë deklaratat e tij për ekzistencën e “Syrit të popullit” nuk është asgjë tjetër pos verbim i Gjykatës Themelore në Prishtinë”.
Postimi i plotë:
Paradoksi i një procesi të kurdisur gjyqësor!
Të dënohet Murat Jashari me 10 vjet trajtim të detyrueshëm psikiatrik dhe, në të njëjtën kohë, të merren për bazë deklaratat e tij për ekzistencën e “Syrit të popullit” nuk është asgjë tjetër pos verbim i Gjykatës Themelore në Prishtinë dhe dëshmi e një procesi të kurdisur gjyqësor. Vërtet drejtësia kosovare ka nevojë të shërohet!