Gjatë ditës së sotme ka ndërruar jetë aktivisti i Lëvizjes Vetëvendosje Hysni Hyseni.
Lëvizja Vetëvendosje, përmes një postimi në facebook, ka njoftuar për vdekjen e Hysenit dhe për jetën e tij.
Sipas VV-së, Hyseni ishte i plagosur rëndë dhe kishte humbur njërin sy në demonstratën e 10 shkurtit të vitit 2007.
“Hysniu na mësoi se kurrë nuk duhet të ndalemi në rrugën e drejtë të perbashkët edhe kur rrezikohemi individualisht”, shkruarn VV-ja, përcjell gazeta “Bota sot”.
Postimi i plotë:
Sot, me pikëllim të thellë, morëm lajmin që ka ndërruar jetë pas një sëmundjeje aktivisti ynë Hysni Hyseni.
Hysni Hyseni ka qenë i angazhuar në Qendrën e Lëvizjes në Prizren. I plagosur rëndë në demonstratën e 10 Shkurtit 2007, ku humbi njërin sy, Hysniu na mësoi se kurrë nuk duhet të ndalemi në rrugën e drejtë të perbashkët edhe kur rrezikohemi individualisht.
Atdhedashuria, vetëmohimi e gatishmëria për sakrificë e karakterizuan Hysniun gjatë gjithë veprimtarisë së tij.
Në këto momente pikëllimi i shprehim ngushëllime familjes Hyseni, të gjithë aktivistëve, shoqeve e shokëve te Hysniut.
Do ta kujtojmë me mall e do të marrim shembull nga puna e virtytet e tij.
Sot në orën 14:30 do të bëhet varrimi i të ndjerit në varrezat e qytetit në lagjen Tusuz të Prizrenit.
