Për herë të shtatë shoqata “Ngritja e Zërit” në Gjykatën Kushtetuese ka dorëzuar lëndë rreth vlerësimit të kushtetutshmërisë sw aktit juridik të Gjykatës Supreme me rastin e refuzimit të padive për kompensimin e dëmeve të luftës.
Kryetari i kësaj shoqate, Jahir Bejta tha se për herë të shtatë po i drejtohen Kushtetueses për vlerësimin e kushtetutshmërisë për vendimet e marra nga ana e Gjykatës Supreme të Kosovës.
Sipas tij gjykatat në Kosovë po i hedhin poshtë paditë e tyre për kompensim të dëmit gjatë luftës me arsyetimin se gjykatat vendore nuk kanë kompetente për shqyrtimin e të padive, duke i drejtuar ata kah gjykata në Serbi.
Bejta: Gjykata Themelore dhe e Apelit padrejtësisht po na i refuzon paditë
Video
“Gjykata Themelore e Kosovës padrejtësisht i kanë refuzuar i kanë hedhur paditë për kompensim të dëmit , Gjykatat e Apelit i kanë refuzuar ankesat duke i mbështetur aktvendimet e gjykatave Themelore si të drejtat, Gjykata Supreme nuk e ka lejuar procedurën e revizionit , ndërsa Gjykata Kushtetuese edhe ajo fatkeqësisht na i trajton si të papranueshme kërkesat për vlerësimin e kushtetueshmërisë“, tha ai.
Madje ai ka thënë se Gjykata Kushtetuese po mundohet të mbuloj marrin juridike të gjykatave.
Sipas tij kjo gjykatë nuk po intervenon në rastet kur shkelen të drejtat e njeriut.
Bejta: Gjykata Kushtetuese po i mbulon marrin juridike të gjykatave
“Gjykata Kushtetuese mendimi jonë është se orvatet të mbuloj marren juridike të gjykatave të rregullta duke na i hedhur edhe kjo dhe duke u pranuar si të papranueshme kërkesat pasi që Gjykata Kushtetuese ka për obligim t’i shqyrtoj shkeljet e dispozitave ligjore që janë në kundërshtim me dispozitat e Gjykatës Kushtetuese. Pikërisht me Kushtetutën e Kosovës , Konventën për Lirit dhe të Drejtat e Njeriut janë shndërruar në rendin juridik të brendshëm , madje me epërsi dhe përparësi implementimi”, u shpreh Bejta.
Bejta mendon se përmes Wettingut në sistemin e drejtësisë do hedhet dritë edhe tek këto raste që kërkohet kompensim të dëmeve gjatë luftës.
Vendimet e Gjykatës Kushtetuese dhe asaj Supreme dhe Themelore për refuzimin e këtyre padive i ka quajtur absurde avokati i kësaj shoqate, Kadri Osaj i cili tha se sistemi i drejtësisë në Kosovë nuk po e shfleton infrastrukturën ligjore dhe ndërkombëtare për tu përgjigjur këtyre lëndëve.
Osaj: Qëndrimet e Gjykatës Themelore dhe Kushtetuese i konsiderojmë absurde
“Qëndrimet e Gjykatës Kushtetuese dhe Gjykatave Themelore për ne janë absurde për faktin se kur marrin vendimin e tyre nuk e shfletojnë fare infrastrukturën tonë ligjore dhe atë ndërkombëtare dhe praktikat e mira gjyqësore të rasteve të tilla identike. Konsiderojmë se veprimet e tyre nga Gjykata Themelore deri tek Gjykata Kushtetuese janë të padrejta dhe padrejtësisht janë refuzuar kërkesë paditë tona”, tha ai./B.Ibishi/