Komisioni Qendror i Zgjedhjeve edhe zyrtarisht ka mbetur pa anëtarë të saj, pasi atyre u ka skaduar mandati para dy ditësh. Kështu, institucioni që merret me zgjedhjet ka mbetur “i paralizuar” që nga 27 janari.
Indeksonline mëson se partitë politike i kanë dërguar emrat e rinj të anëtarëve, pas kërkesës që e kishte bërë presidenti i Republikës, Hashim Thaçi, në fillim të janar.
Mësohet se në përbërjen e re të KQZ-së mësohet se nuk do të jenë tre “veteranët” nga Vetëvendosje, PDK-ja dhe një i minoriteteve.
Bëhet fjalë për Adnan Rrustemin (VV), Ilir Gashin (PDK) dhe Erkan Spat i KDTP-së. Ata nuk kanë të drejtë ligjore të emërohen sërish nga Presidenca, sepse kanë kaluar 3 mandate në KQZ.
Sipas ligjit për zgjedhjet e përgjithshme nuk u lejohet atyre të jenë përsëri anëtar në KQZ.
Ndryshe, kjo pritet të jetë përbërja e re në KQZ, pas zgjedhjeve të 6 tetorit, 2019:
Vetëvendosje 2
LDK – 1
PDK – 1
AAK – 1
NISMA – 1
MINORITETET – 4
Kryetarja KQZ – 1
Gjithsej, 11 anëtarë.