Diplomati shqiptar Shaban Murati, ka propozuar që Shqipëria ta bëjë 17 shkurtin festë zyrtare.
Ai ka thënë se këtë propozim e ka dhënë nga 26 marsi 2012, pasi sipas tij, pavarësia e Kosovës është ngjarja e dytë më e rëndësishme në historinë e kombit shqiptar pas 28 Nëntorit 1912.
Murati ka kërkuar që qeverisë së Tiranës t’i zgjohet ndërgjegja kombëtare, përcjell Bota sot.
Postimi i Muratit:
Shqipëria ta bëjë 17 shkurtin festë zyrtare
Kam propozuar qysh në 26 mars 2012 që Shqipëria ta bëjë 17 shkurtin festë zyrtare, sepse pavarësia e Kosovës është ngjarja e dytë më e rëndësishme në historinë e kombit shqiptar pas 28 Nëntorit 1912.
Uroj që një qeverie në Tiranë t’i zgjohet ndërgjegja kombëtare!
(“Hije në diplomacinë shqiptare”, Tiranë, 2012, fq. 213)
