Kandidati i Lëvizjes Vetëvendosje për kryetar të Komunës së Podujevës, Shpejtim Bulliqi në ora 14:00 do të dorëzojë aplikimin në Komisionin Qendror të Zgjedhjeve.
Kështu kanë bërë të ditur nga LV-ja sot gjatë ditës.
“Në ora 14:00, Shpejtim Bulliqi dorëzon aplikimin në KQZ. Aty mban dhe një prononcim”, thanë nga Vetëvendosje.
Bulliqi është zgjedhur dje kandidat për kryetar të Komunës, pasi që në parti u votua fillimisht për zgjedhjet e brendshme.
“Shpejtim Bulliqi është kandidat i Lëvizjes VETËVENDOSJE!, për kryetar të Komunës së Besianës.
Me 95.76% anëtarësia e Lëvizjes VETËVENDOSJE!, sot ka votuar pro kandidaturës së profesorit Shpejtim Bulliqi”, kanë bërë të ditur nga dega e LV-së.
Podujeva ka shkuar në zgjedhje të jashtëzakonshme pas dorëheqjes së Agim Veliut nga pozita e kryetarit të Komunës. Ai dha dorëheqje nga kreu i Komunës, pas zgjedhjes së ministër në MPB, në qeverinë Kurti.
Zgjedhjet në Podujevë do të mbahen me datë 15 mars.
