Baton Haxhiu: Ballafaqimi me Stanishiqin është pjesa më e dinjitetshme e jetës sime, Zaimi zbulon pse e thirri Millosheviqi në gjyq?

Aktuale

Baton Haxhiu: Ballafaqimi me Stanishiqin është pjesa më e dinjitetshme e jetës sime, Zaimi zbulon pse e thirri Millosheviqi në gjyq?

Nga: A.J Më: 18 shkurt 2020 Në ora: 09:39
Baton Haxhiu

Anëtari i Lëvizjes Vetëvendosje Arbër Zaimi pas intervistës se mbrëmshme të Baton Haxhiut ka reaguar duke thënë se ky i fundit ballafaqimin me Stanishiqin e quan pjesën më të dinjitetshme të jetës.

Zaimi në një postim të tij në facebook ka thënë se Baton haxhiu e mbajti të fshehtë takimin deri kur e thirri Millosheviqi në gjyq si dëshmitar për t’i provuar botës se ai nuk ishte kasap, se kishte dashur në fakt paqe por shqiptarët nuk kishin pranuar.

Postimi i plotë:

Baton Haxhiu dje tha “ballafaqimi me Stanishiqin është pjesa më e dinjitetshme e jetës sime”.

Koment: prandaj e mbajti të fshehtë këtë fakt deri kur e thirri Millosheviqi në gjyq si dëshmitar për t’i provuar botës se ai nuk ishte kasap, se kishte dashur në fakt paqe por shqiptarët nuk kishin pranuar. Dy ditë para se të shkonte në Hagë për të dëshmuar, atëherë e gjeti Baton Haxhiu momentin për t’ia treguar publikut pjesën e vet më të dinjitetshme.

Më pas Batoni tha po dje: “Stanishiqin e kam taku 4 – 5 minuta. Na kemi kërkuar Republikën e Pavarur të Kosovës në kuadër të Jugosllavisë”. Por Stanishiqi paska kundërshtuar. “Kjo ishte përpjekja e fundit intelektuale për me e ndalë luftën”, theksoi Baton Haxhiu.

Koment: dmth. pika më e dinjitetshme e Batonit është pavarësia brenda Jugosllavisë? Po i jepet mundësia prapë për dinjitet të tillë, me minishengenin e Ramës. Ndonjë i ri që s’e njeh historinë mund të thotë “mirë që s’pranoi Stanishiqi, se na kish marrë lumi”.

commentFirst article
Sot mund të lexoni Shfletoni kopertinat