Thyhen për të dytën herë zyrat e AGK-së

Aktuale

Thyhen për të dytën herë zyrat e AGK-së

Nga: M.H Më: 18 shkurt 2020 Në ora: 12:07
Foto ilustrim

Gjatë ditës së sotme janë thyer për të dytën herë zyret e AGK-së, në Prishtinë, nga disa persona të panjohur.

Lajmin e kanë bërë të ditur vet AGK-ja, përmes një postimi në Facebok duke u shprehur të shqetësuar për këtë ndodhi. AGK u shprehën që nuk ka mungesë asgjë mirëpo që kërkon nga organet kompetentë të zbardhin rastin

Postimi i plotë

Thyhen për të dytën herë zyrat e AGK-së

Prishtinë, 18.02.2020 – Zyrat e Asociacionit të Gazetarëve të Kosovës janë thyer sërish nga persona të panjohur. Ndryshe nga hera e kaluar, më 06.12.2019 kur u vodhën pajisje me vlerë të organizatës, kësaj radhe në zyrë nuk mungon asgjë, megjithëse kryesit kanë kontrolluar dhe shpalosur dokumentet.

Për rastin është njoftuar menjëherë Policia e Kosovës ndërsa tek pas rreth 2 orëve, në vendin e ngjarjes ka arritur ekipi i Forenzikës për t’i bërë hetimet e nevojshme.

AGK është jashtëzakonisht e shqetësuar me këtë situatë dhe i dënon ashpër këtë akte vandale. Organizata fton organet kompetente që t'i zbardhin të dyja rastet, ani pse për rastin e parë, as pas dy muajsh, nuk ka pranuar asnjë informatë nga hetuesit.

AGK kërkon që përgjegjësit për këto incidente të dalin para drejtësisë.

commentFirst article
Sot mund të lexoni Shfletoni kopertinat