Zëvendëskryeministri i parë i qeverisë së Kosovës, Avdullah Hoti, mëngjesin e sotëm është parë duke shkuar në vendin e tij të punës pa mbrojtje institucionale dhe krejtësisht i vetëm.
Hoti është parë i vetëm në sheshin “Nënë Tereza”, duke shkuar kah ndërtesa e qeverisë.
Lidhur me këtë ka reaguar njohësi i fushës së sigurisë, Hafir Hoxha. Ai në një shkrim të publikuar në Facebook, ka dhënë kritika për mediat për raportimin, pasi që sipas tij, me apo pa qëllim shkelet e drejta e tyre personale dhe furnizohet, pajiset, armiku eventual.
Ai thekson se publikimi i këtyre informatave paraqet rrezik permanent për liderët e Kosovës.
Ja shkrimi i tij:
GAZETARËT E PADIJSHËM DHE PORTALET PARAQESIN RREZIK PËR LIDERËT TANË!
Më këto përcjellje, fotografime dhe publikime të aktiviteteve dhe lëvizjeve të liderëve politik jasht objekteve zyrtare ME !? apo pa qëllim shkelet e drejta e tyre personale dhe furnizohet, paiset , hjoshet armiku eventual ndaj tyre .
Këso gazetarë, këso portale duhet paditur në gjykat dhe tu ndalohet aktivititi i gazetarisë , i spiunazhit !!!
