Sot në Kuvendin e Kosovës është mbajtur mbledhja e Kryesisë së Kuvendit të Kosovës e thirrur nga kryeparlamentarja, Vjosa Osmani.
Në këtë mbledhje është bërë konstituimi i Komisionit për Integrim Evropian, njëherit komisioni i parë i legjislaturës së shtatë.
Kryetar i këtij komisioni është zgjedhur deputeti nga radhët e Lidhjes Demokratike të Kosovës, Armend Zemaj.
Këtë e ka bërë të ditur vetë ai përmes një postimi në Facebook, i cili ka thënë se Prioritet itij është përmbushja e agjendës evropiane.
Postimi i plotë:
Të nderuar miq,
Sot kemi bërë konstituimin e Komisionit për Integrim Evropian, njëherit mua më është besuar detyra e udhëheqjes së këtij Komisioni nga kryetari i GP-LDK-së dhe Kuvendit të Kosovës.
Prioritet i punës dhe mandatit tim është përmbushja e agjendës evropiane, MSA, liberalizimi i vizave dhe integrimi i plotë në familjen evropiane.
Na priftë e mbara!