Ambasadorja e Finlandës premton mbështetje për politikat arsimore

Aktuale

Ambasadorja e Finlandës premton mbështetje për politikat arsimore

Më: 19 shkurt 2020 Në ora: 15:27
Pamje nga takimi

Ministrja e Arsimit, Shkencës, Teknologjisë dhe Inovacionit, Hykmete Bajrami, priti ambasadoren e Finlandës në Kosovë, Pia Stjernvall, me të cilën bisedoi për gjendjen aktuale të arsimit në vendin tonë dhe mundësitë e bashkëpunimit në këtë sektor.

Ambasadorja Stjernvall e uroi ministren Bajrami për detyrën e re, ndërsa shprehu gatishmërinë e shtetit të saj për ta mbështetur në realizimin e politikave në arsim.

Ministrja Bajrami falënderoi ambasadoren për çdo gjë që ka bërë Finlanda për Kosovën, e veçanërisht për sektorin e arsimit, ndërsa theksoi se është i rëndësishëm bashkëpunimi me këtë shtet, i cili tashmë ka një arsim nga më të zhvilluarit në botë.

Ministrja Bajrami tha se është e nevojshme mbështetja nga partnerët zhvillimorë, në mënyrë që të realizohen politikat e parapara në programin qeveritar për katër vitet e ardhshme, e që synojnë zhvilli min e sektorit të arsimit, i cili do të përmirësonte gjendjen edhe në gjithë sektorët e tjerë. 

commentFirst article
Sot mund të lexoni Shfletoni kopertinat