Shteti i Xhamajkës e ka njohur Kosovën shtet të pavarur. Lajmi është bërë i ditur nga presidenti i Kosovës Hashim Thaçi.
Të njëjtin e ka konfirmuar edhe ministri i Punëve të Jashtme Glauk Konjufca në një postim në Facebook, përcjell Bota sot.
Konjufca ka thënë se njohja e Kosovës nga Xhamajka, është moment i veçantë i miqësisë në mes të vendeve tona.
Ai ka shprehur gatishmërinë për të inicuar lidhjen e marrëdhënieve diplomatike në mes të dy vendeve.
Kosovën nuk e kishte njohur asnjë shtet që nga viti 2018.
Postimi i Konjufcës:
Shpreh mirënjohjen më të lartë qeverisë dhe popullit të Xhamaikës për vendimin miqësor e shumë të mirëpritur për njohjen e Republikës së Kosovës.
Njohja e Republikës së Kosovës është një moment i veçantë i miqësisë në mes të vendeve tona.
Qeveria e Republikës së Kosovës do të përcjellë, përmes kanaleve diplomatike, gatishmërinë për të inicuar lidhjen e marrëdhënieve diplomatike në mes të dy vendeve tona dhe për të thelluar miqësinë dhe bashkëpunimin në mes të dy shteteve dhe popujve tanë./BS
