Juristi nga Lëvizja Vetëvendosje Getoar Mjeku, ka përmendur tri gjëra që kanë ndodhur sot në Kosovë.
Ai ka thënë se Ministria e Drejtësisë ua ndali kapësve të shtetit, që t’i bëjnë noterë të afërmit e tyre, Xhamajka e njohu Kosovën dhe përfaqësuesja dardane fitoi në basketboll ndaj Islandës.
Mjeku ka paralajmëruar se nesër do të vazhdojnë të punojnë prapë me gëzim, përcjell Bota sot.
“Ministria e Drejtësisë ua ndali shtetkapësve orvatjen me i ba noterë t'afërmit e partneret e tyne, Xhamajka e njohu Republikën e Kosovës mbas dy vjetësh pa njohje të reja, përfaqësuesja dardane fitoi në basketboll ndaj Islandës, dhe nesër do të vazhdojmë prapë me punu me gëzim. U shashtrisëm! #qeveriaKurti”, ka shkruar ai në një postim në Facebook./BS
