Deputeti i Lidhjes Demokratike të Kosovës, Driton Selmanaj, përmes një shkrimi në Facebook, njofton se sot është mbajtur mbledhja konstituive e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit.
Selmanaj thotë se LDK-ja i ka besuar udhëheqjen e këtij Komisioni të rëndësishëm parlamentar.
Ja shkrimi i tij:
Sot u mbajt mbledhja konstituive e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit.
LDK ma ka besuar udhëheqjen e këtij Komisioni të rëndësishëm parlamentar.
Në këtë takim formuam Grupin punues për nisjen e procedurave për hapjen e konkursit për zgjedhjen e dy anëtarëve të Këshillit Gjyqësor të Kosovës, me këtë përbërje: Driton Selmanaj, Dimal Basha dhe Abelard Tahiri.
Jam i bindur që bashkë me kolegët tjerë deputet do bëjmë punë të mira në fushën e ligjbërjes dhe mbikëqyrjes parlamentare.
Na priftë e mbara!