Presidenti Hashim Thaçi ka marrë përgjegjësi që nuk i takojnë, jashtë kushtetutës.
Kështu është shprehur Haki Abazi, zv. Kryeministër i dytë i Kosovës në studion e lajmeve në TV Ora.
Abazi shtoi se pjesërisht faj ka edhe ish-kryeministri Haradinaj, pasi i ka krijuar mundësi ardhjes në pushtet presidentit, si pjesë e marrëveshjes për të krijuar qeverinë e kaluar.
Haki Abazi: Ne e dimë se si është zgjedhur presidenti, nga ka ardhur dhe aq më tepër, fatkeqësisht, ka marrë një pozicion në marrjen e përgjegjësive të cilat nuk i takojnë, jashtë kushtetuese, por pjesërisht faj ka edhe ish-kryeministri Haradinaj, i cili i krijoi mundësi presidentit dhe që duket se ka qenë një nga marrëveshjet për të krijuar qeverinë e kaluar. Kjo vazhdon të jetë problematike, pasi sidomos në politikën e jashtme, posaçërisht me Serbinë, duhet të kemi një qëndrim unik, duhet të kemi një konsensus të plotë, për të arritur objektivat të cilat janë mirë të njohura tanimë, një njohje të dyanëshe të Serbisë dhe Kosovës, dhe hapjen e strategjisë duke e hapur Kosovën drejt zgjerimit në BE, pasi Kosova është i vetmi vend që s’është pjesë e bisedimeve.
