Besa Shatri-Berisha, gruaja e deputetit të AAK-së, Bekë Berishës, është shkarkuar nga qeveria e Kosovës javën e kaluar.
Ajo pos punës si shefe e bordit të drejtorëve të Telekomit, ka edhe katër vende pune.
Shatri është menaxhere e kontabilitetit në Korporatën Elektroenergjetike të Kosovës. Dy vendet tjera janë kompani private dhe një organizatë joqeveritare.
Në lidhje me këtë deputetit të AAK-së, i ka reaguar ish-mjeku i Ushtrisë Çlirimtare të Kosovës Liri Loshi, përcjell Bota sot.
Loshi ka pyetur Berishën nëse “kështu duhet atdheu, duke marr pesë rroga”.
“Kështu duhet atdheu. I merr pesë rroga dhe prapë mbetesh besnik i vendit tënd. Duke bërë Shqiponjen! Bekë bre, a për qeto rroga paske luftu a?!”, ka shkruar në Facebook, Liri Loshi.
