Hoxhaj: Kurti të tregojë a është pro apo kundër partneritetit me NATO-n - Bota Sot
Hoxhaj: Kurti të tregojë a është pro apo kundër partneritetit me NATO-n

Aktuale

Hoxhaj: Kurti të tregojë a është pro apo kundër partneritetit me NATO-n

Nga: D.B. Më: 26 shkurt 2020 Në ora: 17:09
Enver Hoxhaj

Ish-zëvendëskryeministri Enver Hoxhaj, ka reaguar ndaj kryeministrit Albin Kurti, i cili sot e ka quajtur sekret marrëveshjen mes presidentit Hashim Thaçi e NATO-s për FSK-në.

Kurti tha se shkëmbimi i letrave mes Thaçit dhe Anders Fogh Rasmussen, lidhur me FSK-në, është shkelje flagrante dhe se me këtë duhet të merren organet e drejtësisë.

Ndërkaq, Hoxhaj përmes shkrimit në Facebook, ka kërkuar nga Kurti të tregojë se a është pro apo kundër partneritetit ne NATO.

Ai, ndër të tjera ka shkruar se asnjë qeveri nuk ka mandat dhe nuk është zgjedhur të kundërshtojë partneritetin e Kosovës me NATO-n dhe Perëndimin.

Ja postimi i plotë: 

“Partneriteti i Kosovës me NATO-n është esencial për sigurinë dhe sovranitetin e Kosovës. Asnjë qeveri nuk ka mandat dhe nuk është zgjedhur të kundërshtojë partneritetin e Kosovës me NATO-n dhe Perëndimin. Kushdo që fuqizon këtë partneritet, e ka mandatin nga populli, e jo të kundërtën”, thotë Hoxhaj.

Kurti: Çdo marrëveshje ndërkombëtare do ta bëjë publike, presidenti refuzoi të më takonte

Ai ka thënë se qeveria duhet të paraqesë një program qeverisës dhe të tregojë përkushtimin ndaj partneritetit me NATO-n dhe aleatët perëndimor.

“Deri tani ka shenja që kjo qeveri nuk ka njohuri për politikë të jashtme dhe po dëmton marrëdhëniet e Kosovës me perëndimin. Kryeministri nuk mund të rri neutral. Ai duhet të tregojë a është pro partneritetit me NATO-n që garanton sovranitetin e Kosovës apo kundër. Deri tani në çdo temë për politikë të jashtme ka mbajtur qëndrim neutral. Kryeministrat nuk zgjidhen për neutralitet, por për vendimmarrje. Neutralitet dhe kohë nuk ka në Kosovë”, ka shkruar ai.

Shfaq komentet
comments powered by Disqus
Sot mund të lexoni Shfletoni kopertinat