Zëdhënësi i PDK-së, Avni Bytyçi, ka folur për letrën që ka publikuar sot Albin Kurti për një korrespodencë mes ish-kryeministrit të asaj kohe Hashim Thaçi dhe Sekretarit të NATO-s, Rasmussen.
Bytyçi, në “Dossier D” thotë se vetëm Gjykata Kushtetuese mund të bëjë konstatime për shkelje të Kushtetutës.
“Nuk besoj se këtë mendim e ka dhënë Zyra Ligjore e Kryeministrit pasi ata nuk mund të bëjnë një gjë të tillë pa presionin e Kurtit”.
Ai thotë se PDK-ja sa ka qenë në qeveri nuk ka bërë asnjë hap pa marrëveshje me SHBA-në dhe NATO-n.
“Ky letërkëmbim ka qenë i njohur për gazetarët, është përfolur për të. Kjo letër është bërë për të garantuar transformimin e FSK-së në Ushtri”.
Bytyçi thotë se Kurti nuk e ka problem këtë letërkëmbim të zotit Thaçi me Rasmusenin por “ka hallin si të arsyetohet para votuesve të vet që u ka bërë premtime”.
“Kurti e di se pa dialog dhe pa mbështetjen e SHBA-së nuk ka anëtarësim në OKB”.
Zëdhënësi i PDK-së thotë se marrëveshja është nënshkruar pasi Kosova nuk ka pasur kapacitete për të mbrojtur atë pjesë të territorit.
”Rreziku ka qenë që NATO të mos i besojë FSK-së. Zoti Thaçi ka marrë zotim që FSK-ja vetëm në koordinim me KFOR-it do të bëj lëvizje në veri”, tha ndwr tw tjera Avni Bytyçi.
