Të enjten mbahet mbledhja e tretë e Qeverisë, çfarë vendime pritet të merren
Qeveria e Kosovës do të mbajë mbledhjen e tretë me radhë ditën e enjte.
Mbledhja do të mbahet në orën 16:00, në ndërtesën e Qeverisë.
Pos kësaj, kryeministri i Kosovës, Albin Kurti, do të presë në takim Komandantin e KFOR’it, Michele Risi.
Kurti sot mbajti një konferencë për medie ku zbuloi një marrëveshje të ish-kryeministrit, Hashim Thaçi, me NATO’n, në të cilën thuhej se FSK nuk do të mund të futet në veri të vendit pa pëlqimin e KFOR’it.
Kjo pritet të jetë edhe temë e takimit me Komandantin e KFOR’it.
Në mbledhjet e kaluara të Qeverisë janë marrë vendime si ai për ulje të rrogave për zyrtarë qeveritarë, shkarkimin e koordinatorëve nacionalë, shkarkimin e Bordit të Telekomit.