Kryetarja e Kuvendit të Kosovës, Vjosa Osmani u takua me zëvendës presidentin e Parlamentit Evropian Rainer Wieland, i shoqëruar nga disa kryetarë komunash e biznesesh gjermane.
Osmani i ka thënë zëvendës presidentit të Parlamentit Evropian se synon ta fuqizojë edhe më tej rolin e Kuvendit dhe ta rrisë mbikëqyrjen efektive ndaj Qeverisë.
Në këtë kontekst, ajo ka potencuar se sikurse në Gjermani, Kuvendi i Kosovës po përpiqet ta reduktojë përdorimin e letrës, duke i dhënë një fokus të veçantë zhvillimit të politikave mjedisore.
Ajo ka falënderuar Wieland për mbështetjen e deritashme dhe ka thënë se projektet me të cilat shkëmbehet dija, e ndihmojnë fuqishëm Kosovën.
Ndërsa zëvendës presidenti i PE-së, Wieland ka shprehur interesimin që të vazhdojë projekti i shkëmbimit të nxënësve me komunat gjermane.