Profesori dhe njohësi i çështjeve politike Binak Maxharraj, ka kërkuar nga kryeministri i Kosovës Albin Kurti, të heq taksën ndaj Serbisë dhe Bosnje e Hercegovinës.
Ai ka kërkuar nga kryeministri që Kosovën të mos e “ngatërrojë me Amerikën”, përcjell Bota sot.
Sipas Maxharrajt, Amerika është mbrojtësja e vetme e Kosovës.
Profesori ka theksuar se pas heqjes së taksës, duhet të ketë reciprocitet, por ky proces, sipas tij, duhet të bëhet me mençuri dhe ngadalë.
“Albin vëlla, hiqe taksën, edhe ashtu i ka dalë boja. Hiqe e mos na ngatërro me Amerikën. Ajo është e vetmja mbrojtëse jona. Pas taksës lë të vijë reciprociteti, por më mençuri dhe ngadalë”, ka deklaruar Binak Maxharraj./BS
