Publicistja Kimete Berisha, ka reaguar lidhur me zhvillimet e fundit rreth heqjes së taksës.
Ajo në një shkrim në Facebook, i ka thënë kryeministrit të Kosovës, Albin Kurtit që lirisht ta heq taksën, pasi që kjo ishte ideja e ish kryeministrit Ramush Haradinajt.
Shkrimi i plotë:
Nuk qeveriset me mendt të Ramushit.
Taksa ishte ide e Ramushit.
Veç Ramushi 'e di' çka ka dashur të bëjë me taksën.
Prandaj, të heqësh dorë nga një ide që s'është 'e jotja', a ka më lehtë.
Taksa në dorën e qeverisë Kurti është një 'peshqesh' nga qeveria Haradinaj.
Të kesh në dorë një 'vendim' që s'është 'i joti' për ta 'shitur shtrenjë' atë vendim, si kompromis, a ka më fat.
Sepse, Ty nuk po të bjen m'i shkel premtimin tënd, por premtimin e 'huaj'.
Të dukesh se për hir të Amerikës po lëshon 'pe' për taksën, po sakrifikon dhe po jep diçka që nuk ishte vendim dhe 'idea' jote, është fat i madh.
Se ty po të bjen me 'ble' simpatinë amerikane me 'djersë' t'Ramushit.
- Taksa ishte e domosdoshme për të kaluarën.
- Heqja e taksës është e domosdoshme për të tashmen.
P.S. Reciprociteti është proces, heqja e taksës është 'hyrje' në proces.
Shlirë hiqe.
