Edhe deputeti i Lëvizjes Vetëvendosje Rexhep Selimi, ka dënuar vrasjen e ish-ushtarit të Ushtrisë Çlirimtare të Kosovës Qerim Kelmendit.
Selimi ka thënë se Kelmendin e kishte njohur prej kohësh, pasi ishte ushtar i hershëm i UÇK-së, përcjell Bota sot.
Ai ka kërkuar nga policia dhe prokuroria që të hetojnë rastin, teksa ka theksuar se Kosova duhet ta çlirojë veten nga enigma e kësaj vrasje dhe e vrasjeve tjera.
Postimi i plotë i Selimit:
Qerim Kelmendin e njoha prej kohësh. Ai ishte luftëtar i hershem i UÇK-së.
Ai u vra sot në një pritë të rëndë siç është edhe vdekja e tij e rëndë.
Kosova duhet ta çlirojë vehten nga enigma e kësaj vrasje dhe e vrasjeve tjera.
Policia e prokuroria te mos ndalen në punën e tyre.
Ngushëllime bashkëluftëtarëve, miqve e familjes!
