Gjenerali i Ushtrisë Çlirimtare të Kosovës, Naim Maloku e ka përkujtuar ish-luftëtarin e UÇK-së, Qerim Kelmendin i cili u vra në mënyrë misterioze natën e mbrëmshme.
Maloku përmes një postimi në Facebook, i ka dhënë lamtumirën Kelmendit.
Gjeneral Maloku tregon se me Qerimin ishin bashkëluftëtar dhe bashkëfshatar.
“Lamtumirë bashkëluftëtar dhe bashkëfshatari im Qerim Kelmendi!
I përjetësohem kujtimi për Ty!”, shkruan Maloku, përcjell gazeta “Bota sot”.
Qerim Kelmendi sipas Policisë së pari është gjuajtur me armë zjarri pastaj është djegur në veturë.
Për vdekjen e Kelmendit kanë reaguar krerët shtetëror dhe liderët e partive politike të Kosovës, të cilët kanë kërkuar zbardhjen e kësaj vrasje.