Deputeti i Lidhjes Demokratike të Kosovës, Driton Selmanaj, ka deklaruar se SHBA e sheh LDK-në si parti më serioze dhe se LVV-në e kanë nën llupën e analizës.
Nga Kongresi Amerikan ai u intervistua në kuadër të emisionit Info Magazine, ku mes tjerash tha se me partinë e Albin Kurtit kanë hyrë në bashkëqeverisje për të bërë ndryshimin, por edhe se nuk do të përbijnë çdo gjë që vjen nga ai.
“Pavarësisht që jemi në koalicion dhe kemi një program qeverisës, megjithatë ne dallohemi. LDK dhe LVV janë parti të ndryshme politike”.
“Adresë me e madhe në këtë partneritet qeverisës në raport me amerikanët është LDK-ja dhe këtë duhet pranuar edhe LVV-ja. Ambasada amerikane e sheh LDK-në si një ndër parterët më serioz”.
“VV nuk ka ndërtuar ende një raport të mirëbesimit me amerikanët. Kjo parti është në llupën e analizës së tyre. Janë duke e provuar VV dhe Kurti është parti serioze dhe është e gatshme të merr vendime të përgjegjshme ne përputhje me mandatin që e kanë, ndërkaq presionet më tepër janë drejtuar nga LDK-ja se sa ekskluzivisht me LVV”.
“Kemi hyrë në një bashkëqeverisje me synimin për të bërë ndryshimin, por kjo nuk do të thotë se do të përbijmë çdo gjë që vjen nga zotëri Kurti”.
“LDK dhe unë nuk jemi të interesuar që të rrimë në një koalicion që mund të merr epitetin e një qeverie antiamerikane. Ne e shuajmë bashkëpunimin, diskutojmë tërheqjen e forcave, etj., se unë mendoj që shtetësia e Kosovës do të varet nga shteti i Amerikës, prandaj ky partneritet me Shtetet e Bashkuara të Amerikës është i qenësishëm dhe jemi në përpjekje që ta bindim Kurtin që këtë partneritet ta vazhdojmë”, u shpreh Selmanaj.
