Profesori ndërkombëtar Enver Bytyçi, ka reaguar pas heqjes së pjesërishme të taksës ndaj produkteve serbe dhe boshnjake, nga kryeministri i vendit Albin Kurti.
Bytyçi e ka quajtur “të ngutshëm” vendimin e Kurtit, duke thënë se ajo nuk duhej hequr, pa një dokument obligues për garanci për respektimin e integritetit territorial të Kosovës dhe për mos krijimin e një Republika Srpska në Kosovë, përcjell Bota sot.
Profesori ka theksuar se prej sot Kurti ka hapur rrugën për nënshtrimin ndaj presioneve që synojnë shkatërrimin e shtetësisë së Kosovës.
“Prej sot Beogradi do të rinis ofensivën e tij kundër pavarësisë, shtetësisë dhe integritetit territorial të Kosovës”, ka shkruar Bytyçi në një postim në Facebook.
Postimi i plotë i Bytyçit:
Albin Kurti e hoqi taksën! Duket se ka vendosur disa kushte! Në fakt zoti Kurti u ngut. Pa një dokument obligues për garanci për respektimin e integritetit territorial të Kosovës dhe për mos krijimin e një Republika Srpska në Kosovë, nuk do të duhej heq taksa!
Siç iu nënshtrua presionit për heqjen e taksës, ka mundësi që Albin Kurti të nënshtrohet në të ardhmen edhe ndaj presioneve për ta shkatërruar shtetësinë e Kosovës! Rruga për këtë u hap!
Zoti na ndihmoftë! Prej sot Beogradi do të rinis ofensivën e tij kundër pavarësisë, shtetësisë dhe integritetit territorial të Kosovës!
