Ushtari i Batalionit “Atlantiku” takon Thaçin: Ja kur do të takohen presidenti e kryeministri Kurti

Aktuale

Ushtari i Batalionit “Atlantiku” takon Thaçin: Ja kur do të takohen presidenti e kryeministri Kurti

Nga: A.ZH Më: 28 shkurt 2020 Në ora: 19:01
Uk Lushi takon Thaçin

Publicisti dhe ish-ushtari i Batalionit “Atlantiku” Uk Lushi, ka takuar sot në Nju Jork presidentin e Kosovës Hashim Thaçi.

Ai ka thënë se me Thaçin ka shkëmbyer mendime, kritika dhe pajtueshmëri për nevojën e bashkëpunimit të të gjithëve që e duan Kosovën.

Thaçi, sipas Lushit, ka premtuar se me tu kthyer në Kosovë, do të takohet me kryeministrin Albin Kurti, përcjell Bota sot.

“Uroj dhe pres që Presidenti Thaçi dhe KM Kurti do të koordinohen me faktorët panshqiptarë dhe aleatët tonë që Ballkani të hyjë në një fazë të re historike me paqe dhe zhvillim”, ka shkruar Lushi në Facebook.

Postimi i plotë i Lushit:

Sot, në New York City, në një takim me Presidentin e Kosovës Hashim Thaçi shkëmbyem mendime, kritika dhe pajtueshmëri për nevojën e bashkëpunimit të të gjithëve që e duam Kosovën.

Presidenti Thaçi premtoi që, si bartës i unitetit të popullit, sapo të kthehet në atdhe do të ketë bashkëbisedime me KM Kurti, përfaqësuesit e rëndësishëm të shtetit në pozitë dhe opozitë dhe natyrisht liderë qytetarë që do të kontribojnë ndërkaq që Kosova dhe Serbia me përkrahjen euro-atlantike duhet të njohin njëra-tjetrën si shtete të pavarura.

Uroj dhe pres që Presidenti Thaçi dhe KM Kurti do të koordinohen me faktorët panshqiptarë dhe aleatët tonë që Ballkani të hyjë në një fazë të re historike me paqe dhe zhvillim.

Populli ynë është i bashkuar. Liderët tonë duhet të marrin shembull popullin.

commentFirst article
Sot mund të lexoni Shfletoni kopertinat