Ministrja e Drejtësisë, Albulena Haxhiu, ka reaguar lidhur me lajmin se ka marrë djalin e saj nga çerdhja me veturë zyrtare.
Përmes një postimi në llogarinë e saj në Facebook, ajo ka thënë se është ministri por është edhe nënë dhe ka qenë e detyruar ta marrë edhe djalin nga çerdhja, derisa bashkëshorti s’ka qenë këtu dhe është kthyer bashkë me djalin në punë, përcjell Bota sot.
Postimi i saj i plotë në Facebook:
Sqarim për opinionin publik
Disa portale paskan publikuar fotografinë time, duke marrë fëmiun nga çerdhja. Për gjithë ata që shkruajnë, duhet bërë e qartë se përveç se jam Ministre, jam edhe nënë. Në kohën kur ende kisha punë në Ministri dhe s'mund ta lija djalin në çerdhe, meqenëse as bashkëshorti s'ishte këtu, isha e detyruar ta merrja dhe sërish të kthehesha në punë, bashkë me të!
Kaq në lidhje me këtë lajm.
