Zyrtari i Aleancës për Ardhmërinë e Kosovës, Rasim Selmanaj, po vlerëson se propozimi i liderit të AAK-së, Ramush Haradinajt është në kohën e duhur.
Ky propozim i ish-kryeministrit të Kosovës është që të arrihet një koncenzues nacional për dialogun me Serbinë.
Selmanaj thotë se kjo është e domosdoshme dhe tepër urgjente.
“Kushdo që kalkulon me këtë temë për agjenda partiake e elektorale është duke e goditur rëndë kauzën e shtetit të Kosovës!”, shkruan ai në facebook, transmeton gazeta “Bota sot”.
Sipas tij, marrëveshje Kosovë-Serbi me njohje reciproke është mundësi reale dhe historike nën udhëheqjen e Amerikës dhe e lehtësuar nga BE-ja.
Ai shton se nuk duhet të hubet kjo mundësi reale dhe historike.
Postimi i plotë:
Propozimi i Ramushit është n’kohë të duhur...
Ideja e liderit të AAK-së Ramush Haradinaj për të arritur një koncenzues nacional për çështjen e dialogut me Serbinë është e domosdoshme mbase edhe tepër urgjente!
Kushdo që kalkulon me këtë temë për agjenda partiake e elektorale është duke e goditur rëndë kauzën e shtetit të Kosovës!
Marrëveshja përfundimtare mes Kosovës e Serbisë me njohje reciproke është një mundësi reale dhe historike vetëm me rolin udhëheqës të Amerikës lehtësuar nga BE-ja!
Nuk duhet humbur këtë mundësi reale dhe historike!
Duhet të bashkohemi SOT, se neser êshtë vonë!
Duhet të gjithë të reflektojmë!
Koncenzuesi është i domosdoshëm!