Eksperti çështjeve të sigurisë në Kosovë, Avni Islami është pjesë e banorëve të futur në karantinë në 4 fshatrat e Podujevës për shkak të virusit korona.
Ai përmes një postimi në Facebook ka bërë thirrje për bashkëvenasdit e tij që të qëndrojnë në shtëpi.
Islami ka shkruar gjithashtu se nëse ka disiplinë shumë shpejt do të mundet koronavirusi.
“Thirrje për bashkëvendësit e mi: Sot në 4 fshatra: dy Dumnica e dy Llausha është duke u aplikua sistemi ” Karantinë” për shkak se një person u diagnostifikua me “Corona Virus”. Ju bëjë thirrje të gjithē bashkëfshatarëve të mi ( edhe unë jam këtu në fshat) të qëndrojnë në shtëpit e tyre, kështu e parandalojmë përhapjen e virusit por edhe ju a lehtësojmë punën organeve shtetrore të cilët po punojnë 24 orë në shërbim tonin. Nëse ne jemi të diciplinuar, shumë shpejt do ta mundim coronavirusin. #Sëbashkujadalim#”.
Kujtojmë që në mesin e 15 rasteve të dala pozitive me koronavirus në Kosovë, një është nga fshatin Dumincë e komunës se Podujevës.
Për dallim nga komunat tjera që janë futur komplet ne karantinë, në Podujevë në karantinë po qëndron vetëm ky fshat dhe 3 të tjera përreth.
