“Virusi nuk ka këmbë” – thirrja e institutit të shëndetit për qytetarët

Aktuale

“Virusi nuk ka këmbë” – thirrja e institutit të shëndetit për qytetarët

Më: 21 mars 2020 Në ora: 13:59
Koronavirusi

Instituti i Shëndetit Publik të Kosovës ka bërë thirrje tek qytetarët e vendit që t’i respektojnë rregullat të cilat i kanë rekomanduar për tu mbrojtur nga pandemia COVID-19.

Përmes një njoftimi për media të IKShP-së, ka bërë apel tek qytetarët që të rrin në shtëpi, të mbajnë higjenën, distancën sociale me qëllim që të parandalojnë rrezikun.

Më poshtë mund të lexoni rekomandimet e IKShP-së:

Virusi nuk ka këmbë!

Fat i madh që nuk ka këmbë me ecë!

Mos ia jepni këmbët e juaja sepse ia mundësoni me na nxënë!

NË MËNYRË RIGOROZE MBANI DISTANCËN SOCIALE PËR 2 METRA NGA NJËRI TJETRI!

Nëse nuk u përmbahemi masave të rekomanduara më herët nga MSh dhe IKSHPK për qëndrim në shtëpi, respektim të masave higjienike dhe të distancimit social, atëherë rrezikojmë të kemi përhapje komunitare.

TA PARANDALOJMË KËTË!

QYTETARË QËNDRONI NË SHTËPI, KJO UA SHPËTON JETËN!

Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e shëndetësisë dhe Instituti kombëtar i Shëndetësisë Publike të Kosovës.

IKSHPK, thekson se nuk ka vend për panik, por për kujdes të shtuar duke përsëritur rekomandimet:
Shmangni kontaktet e ngushta me njerëzit që vuajnë nga infeksione akute të frymëmarrjes!
Sa të jetë e mundur shmangni përshëndetjen me shtrëngim të duarve!
Shmangni përqafimet dhe puthjet për aq kohë sa jeni në rrezik nga infeksionet respiratore!
Lani shpesh duart, veçanërisht pas kontaktit të drejtpërdrejtë me njerëzit e sëmurë ose në vendqëndrimin e tyre!
Lani duart porsa hyni në shtëpi!
Lani duart para fillimit të përgatitjes së ushqimit!
Lani duart pas përdorimit të tualetit!
Lani duart sa më shpesh me ujë e sapun 20-30 sekonda, veçanërisht pas kontaktit të drejtpërdrejtë me njerëzit e sëmurë ose në vendqëndrimin e tyre!
Evitoni përdorimin e tualeteve publike!
Lani duart sa herë që teshtini apo kolliteni!
Shmangni prekjen e fytyrës dhe mbuloni gojën dhe hundën me faculetë, me mëngë ose parakrahë gjatë kollës dhe teshtitjes. Pastaj hudhni faculetat e përdorura në shportën më të afërt të mbeturinave!
Nëse keni ethe, kollë dhe vështirësi në frymëmarrje kërkoni menjëherë ndihmë mjekësore dhe tregoni historinë eventuale të udhëtimit jashtë vendit!
Personat e sëmurë duhet të qëndrojnë në shtëpi në mënyrë që të parandalohet përhapja e sëmundjes!
Mos frekuentoni ambientet mbyllura dhe të mbingarkuara me njerëz!
Pini sa më shumë ujë, lëngje, çaj me limon!
Ju faleminderit për mirëkuptim!

commentFirst article
Sot mund të lexoni Shfletoni kopertinat