Deputetja Mimoza Kusari Lila, ka reaguar pas rrëzimit të qeverisë, derisa atë që ndodhi dje e ka quajtur maskaradë politike në mes të krizës dhe luftës me pandeminë globale.
Përmes një postimi në Facebook, ajo ka thënë se sikur ka thënë edhe në fjalimin e saj në Kuvend, sot Kosova u zgjua me lajmin për rrëzimin e Qeverisë në mes të pandemisë, në të gjitha mediet botërore, përcjell Bota sot.
Ajo ka thënë se historia do të gjykojë ata që e sollën këtë ditë, duke shtuar se dje ishte vetëm një betejë në numrin e gjatë të atyre që duhet të bëjmë për vendin tonë.
Postimi i saj i plotë në Facebook:
Mirëmëngjesi Kosova jonë,
Dje ndodhi maskarada politike në mes të krizës dhe luftës me pandeminë globale.
Ashtu sikur e prezentova në fjalimin tim dje, sot Kosova u zgjua me lajmin për rrëzimim e Qeverisë në mes të pandemisë, në të gjitha mediat botërore.
Jam e sigurt se historia do të gjykojë ata që e sollën këtë ditë, por gjithashtu kurrë më e sigurt nuk kam qenë se energjia dhe gatishmëria jonë për të vazhduar betejën për Kosovën shtet i zhvilluar dhe shtet i së drejtës nuk ka qenë më e madhe.
Dje ishte vetëm një betejë në numrin e gjatë të tyre që duhet të bëjmë për vendin tonë.
Do të kemi edhe shumë tjera me fitore për Kosovën dhe njerzit e saj.
Të dua Kosovë.