Melihate Tërmkolli për Albin Kurtin: Egoja dhe etja e tij për pushtet absolut është mbi shtetin - Bota Sot
Melihate Tërmkolli për Albin Kurtin: Egoja dhe etja e tij për pushtet absolut është mbi shtetin

Aktuale

Melihate Tërmkolli për Albin Kurtin: Egoja dhe etja e tij për pushtet absolut është mbi shtetin

Nga: A.M. Më: 26 mars 2020 Në ora: 11:20
 Melihate Tërmkolli

Ish deputetja e LDK-së, Melihate Tërmkolli ka reaguar pasi kryeministri i Kosovës, Albin Kurti e ka shkakruar Avdullah Hotin nga posti i zëvendësministrit.

Ajo në postimin e saj në Facebook, ka shkruar se Kurti në terrin e natës e paska “liruar” nga detyra Zv/Kryeministrin Avdullah Hoti dhe se një veprim të tillë e quan hakmarrje.

Postimi i plotë:

Albini i natës!
Kryeministri i shkarkuar nga Kuvendi i Kosovës me më shumë se 2/3 e votave, Albin Kurti, në terrin e natës e paska “liruar” nga detyra Zv/Kryeministrin Avdullah Hoti. Hakmarrje! E ulët edhe për një person të rëndomtë lëre më për një “kryeministër! Tërë ditën foli kundër veprimeve të natës e si për çudi vetë paska ra në kurthin e natës. Ky është Kryeministri i shkarkuar. Egoja dhe etja e tij për pushtet absolut është mbi shtetin, mbi popullin. Kosova nuk ia pat borxh as shkarkimet, as rrëzimin e qeverisë në kohë coronavirusi. Por ai nuk sheh as popull, as shtet. E sheh veç Albinin i cili kënaqet dhe mbijeton vetëm në kaos, në anarki, në trazira, për të treguar kush është ai. Në seancën e Kuvendit të Kosovës, Albini dje përmendi edhe gjakderdhje, ashtu si mësuesit e tij Rexhep Qosja e Adem Demaçi, të etur për gjak shqiptarësh, për “revolucione demokratike”. Këtë e kanë në gjak, e kanë ideologji, lajtmotiv jetësor! Por janë të humbur, nuk do t’i lejojmë! “No pasaran Albin, No pasaran”!.
#MT

Shfaq komentet
comments powered by Disqus
Sot mund të lexoni Shfletoni kopertinat