Kryetari i Lidhjes Demokratike të Kosovës Isa Mustafa, ka reaguar pas deklaratës së SHBA-ve se nuk ka plan sekret për shkëmbim territoresh mes Kosovës dhe Serbisë.
Mustafa ka thënë se “të dështuarit që fajësuar SHBA-të”, duhet sot t’iu kërkojnë falje qytetarëve dhe miqve të Kosovës, përcjell Bota sot.
Sipas tij, “kjo është prova më e mirë që dëshmon se ata ikën nga pushteti si pasojë e pazotësisë dhe jo nga frika për copëtimin e Kosovës”.
Postimi i Mustafës në Facebook:
Të dështuarit që fajësuan SHBA-të për pazotësinë e tyre, sot duhet t’u kërkojnë falje të gjithë qytetarëve të Kosovës dhe miqve tanë për konstruksionet e servuara parreshtur dhe fyerjet e paskurpullta të drejtuara ndaj LDK-së dhe figurave të saj.
Kjo është prova më e mirë që dëshmon se ata ikën nga pushteti si pasojë e pazotësisë dhe jo nga frika për copëtimin e Kosovës. SHBA sonte demantuan spekulimet se ekziston një plan sekret për shkëmbim të territorit! IM
