Pronari dhe botuesi i gazetës kombëtare "Bota sot", ka reaguar lidhur me zhvillimet politike në vend.
Përmes një postimi në Facebook, ai ka thënë se është e çuditshme se si antiamerikanët e rrëzuan "antiamerikanin", në vend se ta mbanin në pushtet.
Ai ka thënë se votat e Listës Serbe ishin pjesë e 82 votave të deputetëve, që e votuan mocionin e mosbesimit ndaj Qeverisë Kurti.
"Sa mirë që Hashim Thaçi paska arritur t'i bindë edhe serbët se duhet të jenë pro-amerikanë e ta harrojnë “nënën Rusi”", ka shkruar Mazrekaj në Facebook.
Postimi i tij i plotë në Facebook:
E çuditshme: Antiamerikanët rrëzuan "antiamerikanin", në vend se ta mbanin në pushtet!
Si është e mundur që serbët, që janë populli më antiamerikanë në botë votuan për rrëzimin e qeverisë së udhëhequr nga “antiamerikani” Albin Kurti?
Votat e subjektit politik, Lista serbe, ishin pjesë përbërëse e 82 deputetëve të Kuvendit të Kosovës, që e votuan mocionin e mosbesimit ndaj qeverisë Kurti.
Sa mirë që Hashim Thaçi paska arritur t'i bindë edhe serbët se duhet të jenë pro-amerikanë e ta harrojnë “nënën Rusi”!
