Kryetari i Ballit Kombëtar Demokrat për Kosovë, Gazmend Islami, thotë se bisedimet Kosovë-Serbi do të jenë të vështira dhe të dhimbshme për Kosovën.
Islami përmes një postimi në Facebook, thotë se, i dërguari special për dialogun Kosovë – Serbi, ambasadori amerikan në Gjermani, Richard Grenell po thotë se nuk kanë plan, mirëpo, sipas Islamit, planin do ta bëjnë presidenti i Kosovës, Hashim Thaçi dhe homologu i tij serb Aleksandër Vuçiq.
“Bisedimet me Serbi do të jenë të vështira dhe të dhimbshme pēr Kosovën!
Grenell nuk po thotë se kemi plan por po thotë se planin na e bjen Hashimi me Vuqiqin!
Çdo marrëveshje që ka ardhur në Kuvendin e Kosovës për ratifikim me 2/3 e që bashkësia ndërkombëtare ka qen sponzorues ka kalue pa telashe të mëdha!
Koha do të tregoj kush ka pasur të drejtë!”, shkruan Islami, përcjell gazeta “Bota sot”.