Komuna e Malishevës do të mbetet e izoluar së paku deri më 6 prill.
Kjo u vendos në mbledhjen e sotme të qeverisë në detyrë, pas propozimit të Ministrisë së Shëndetësisë, me qëllim të parandalimit dhe kontrollit të përhapjes së koronavirusit, njofton Zyra e Kryeministrit.
Vendimi për futjen në karantinë të Komunës së Malishevës u mor nga Qeveria e Kosovës më 13 mars të këtij viti, ditën kur u konfirmua rasti i parë me koronavirus në këtë komunë.
“Ndalohen hyrje-daljet e qytetarëve në Komunën e Malishevës”, thuhet në vendim.
Momentalisht, Malisheva është komuna më e prekur nga pandemia COVID-19 në Kosovës, me 32 raste të konfirmuara deri tani.
