Mustafa iu del në ndihmë bujqve për shitjen e produkteve të tyre nëpër rrjetet e marketeve

Aktuale

Mustafa iu del në ndihmë bujqve për shitjen e produkteve të tyre nëpër rrjetet e marketeve

Më: 29 mars 2020 Në ora: 20:34
Besian Mustafa

Ministri në detyrë i Bujqësisë, Besian Mustafa, ka njoftuar se ka marrë përgjigje pozitive nga rrjeti i shitjes me pakicë Meridian Express, për t’iu blerë bujqve, produktet vendore.

Kjo, pasi vendi ka hyrë ne situatë emergjente dhe kjo ka stagnuar shitjen e tyre.

“Jam në kontakt të vazhdueshëm me rrjetet e marketeve për të ju gjetur zgjidhje bujqve të shesin produktet e tyre, pasi që janë mbyllur tregjet si rezultat i gjendjes emergjente të shkaktuar nga COVID-19.

Sapo u njoftova për përgjigjen pozitive nga rrjeti i shitjes me pakicë Meridian Express të cilët, në përkrahje të bujqve kosovar dhe prodhimeve vendore, nga nesër do të ofrojnë sallatë të gjelbër të prodhuar në vend”, ka thënë Mustafa.

Ai ka premtuar se do të mundësojë dhe shitjet e tjera të produkteve vendore nëpër dyqane ushqimore.

“Do të vazhdoj të koordinoj më shumë rrjete të shitjes me më shumë bujq që t’u ofrojmë familjeve tona më shumë produkte ushqimore të prodhuara nga toka jonë”, ka shkruar ai në Facebook.

commentFirst article
Sot mund të lexoni Shfletoni kopertinat