Ramadani: I tërë territori i Kosovës është në mbikëqyrje për Koronavirus - Bota Sot
Ramadani: I tërë territori i Kosovës është në mbikëqyrje për Koronavirus

Aktuale

Ramadani: I tërë territori i Kosovës është në mbikëqyrje për Koronavirus

Më: 1 prill 2020 Në ora: 09:18
Naser Ramadani

Drejtori i Institutit Kombëtar të Shëndetit Publik, Naser Ramadani ka thënë se asnjë qytet në Kosovë nuk është lënë anash në këtë situatë me COVID-19 dhe i tërë territori i Kosovës është në mbikëqyrje.

Ramadani në emisionin Zyra e Ankesave në RTV Dukagjini tha se Prishtina është kryeqytet dhe është top prioritet, e vëmendje të posaçme ka edhe Malisheva për shkak të specifikave.

Por, sipas tij, asnjë qytet i Kosovës nuk është lënë anash në këtë situatë me COVID-19.

Drejtori i IKSHP-së sërish kërkoi nga qytetarët që të zbatojnë rekomandimet në mënyrë që situata me coronavirus të jetë nën kontroll.

I pyetur se kur mund të pimë kafe në kafene e kryeqytetit, Ramadani tha se së shpejti por pa precizuar kohën kur.

“… së shpejti edhe në kafiteri”, tha Ramadani, duke mos dhënë kohën e saktë.

Shfaq komentet
comments powered by Disqus
Sot mund të lexoni Shfletoni kopertinat