Kryetari i Lidhjes Demokratike të Kosovës Isa Mustafa, ka thënë se me 82 vota në Kuvend, mund ta ndërrojë Kushtetutën e Kosovës.
Atij për këtë deklaratë i ka reaguar ish-mjeku i Ushtrisë Çlirimtare të Kosovës Liri Loshi, përcjell Bota sot.
Loshi në një postim në Facebook, e ka pyetur Mustafën se sa vota i duhen atij, Hashim Thaçit, Ramush Haradinajt dhe Fatmir Limajt, për ta ndërruar popullin e Kosovës.
Postimi i Loshit:
Enigmë matematikore
Isa Mustafa tha se me 82 vota në parlament mund ta ndërrojë Kushtetutën e Kosovës.
Parlamenti i Kosovës ka gjithsej 120 deputetë.
Edhe sa vota iu nevojitën Isës, Hashimit, Ramushit dhe Fatmirit për ta ndërruar popullin e Kosovës?