Një 56-vjeçar nga Komuna e Prishtinës, i cili vuante nga koronavirusi, ka ndërruar sot jetë në Klinikën Infektive të QKUK-së në Prishtinë.
Media merr vesh se 56-vjeçari ishte pranuar sot në Klinikën Infektive të QKUK-së dhe gjatë orëve të mbrëmjes ka ndërruar jetë.
Sipas kumtesës së Institutit Kombëtar të Shëndetësisë Publike, ai vuante edhe nga disa sëmundje të tjera.
“Rasti i fundit nga Klinika Infektive me sëmundje shoqëruese infiltrim pulmonar, diabet tip 2, nefropati diabetike, tumor i gjëndrrës mbiveshkore të majtë, hipertension arterial dhe obezitet”, ka njoftuar IKShPK të martën në mbrëmje.
Me këtë rast, numri i të vdekurve nga koronavirusi në Kosovë ka shkuar në pesë (5).