Është raportuar se pak minuta më parë Njësia Speciale e Policisë së Kosovës është parë duke hyrë në Qendrën e Studentëve e cila tashmë është shndërruar në karantinë.
Po ashtu në media u raportua se ndërhyrja e Njësisë Speciale u bë shkaku i një revolte nga personat që tashmë janë vendosur në karantinë.
Mirëpo një gjë të tillë e ka mohuar Drejtori i Qendrës së Studentëve, Fatmir Sfishta.
“Në qendrën që unë e menaxhoj nuk ka pasur kurrfarë revolte”, ka thënë Sfishta.
Në anën tjetër zëdhënësi i Policisë së Kosovës, Baki Kelani ka thënë se policia ndërhynë aty ku i kërkohet.
“Policia e Kosovën në kuadër të detyrave dhe përgjegjësive të saj, ju asiston institucioneve dhe ndërmerr veprime policore aty ku vlerësohet dhe kërkohet prezenca policore”, ka thënë Kelani.
