Presidenti i vendit, Hashim Thaçi, ka përkujtuar Betejën e Koshares.
Në 21-vjetorin e Betejës së Koshares, presidenti i Kosovës, Hashim Thaçi, ka thënë se kjo ishte një betejë e lavdishme e cila rriti vetëbesimin e sprovuar të UÇK-së.
Sipas presidentit Thaçi, në këtë betejë ku u thye kufiri ndarës Kosovë-Shqipëri, ushtria serbe pësoi disfatë të madhe.
“Beteja e Koshares ishte një triumf ushtarak i pastër dhe mesazh i qartë për popullatën e dëbuar nga Kosova, se së shpejti të zhvendosurit do të ktheheshin në vatrat e tyre. Ndërsa, thyerja e kufirit ishte mesazh se furnizimi me armatim për zonat e thella brenda Kosovës ishte i mundshëm edhe në atë kohë”, ka shkruar ndër të tjerash Thaçi.
Postimi i plotë i presidentit Thaçi, pa ndërhyrje:
Beteja e Koshares, 21 vjet më parë, ishte vetëm faza e parë e operacionit “Shigjeta”.
Kjo betejë e lavdishme rriti vetëbesimin e sprovuar të UÇK-së, duke bërë që për herë të parë të thyhej me forcë kufiri ndarës ndërmjet Kosovës dhe Shqipërisë, ku ushtria serbe pësoi disfatë të madhe.
Beteja e Koshares ishte një triumf ushtarak i pastër dhe mesazh i qartë për popullatën e dëbuar nga Kosova, se së shpejti të zhvendosurit do të ktheheshin në vatrat e tyre.
Ndërsa, thyerja e kufirit ishte mesazh se furnizimi me armatim për zonat e thella brenda Kosovës ishte i mundshëm edhe në atë kohë.
Nderime përjetë të gjithë dëshmorëve të kësaj beteje të lavdishme të Ushtrisë Çlirimtare të Kosovës.
