Kryetari i Nismës Socialdemokrate, Fatmir Limaj, ka ngushëlluar familjen e viktimës që humbi jetën këtë mëngjes nga COVID-19.
Ai ka bërë thirrje që të respektohen në përpikëri udhëzimet e profesionistëve shëndetësorë në mënyrë që të kalohet me sa më pak humbje nga kjo pandemi.
Ky është postimi i plotë i Limajt:
Vdekja e një nëne shtatzënë nga Gjakova dhe foshnjës së saj ende pa ardhur në jetë, si pasojë e infektimit me COVID-19 është lajm i dhimbshëm për të gjithë ne.
Në emër të Nismës Socialdemokrate i shpreh ngushëllimet më të sinqerta familjes, miqve dhe gjithë atyre që e kanë njohur atë për këtë humbje të dyfishtë.
Përmes këtij postimi bëj thirrje edhe njëherë që të respektohen në përpikëri udhëzimet e profesionistëve shëndetësorë në mënyrë që të kalohet me sa më pak humbje nga kjo pandemi.
