Shefi i Grupit Parlamentar të AAK-së, Daut Haradinaj sot e ka vizituar aksin rrugor që është në ndërtim e sipër ndërmjet Deçanit dhe Plavës, një aks rrugor jetik për të lidhur shqiptarët në të dy anët e kufirit.
“Fjalët i merr era, veprat mbesin. Plava po lidhet me Kosovë”, ka shkruar Haradinaj.
Kjo rrugë, e cila ka hasur në vështirë gjatë ndërtimit nga Manastiri i Deçanit, por së fundit edhe me cungimin e buxhetit nga Qeveria Kurti.
Rruga është e gjatë rreth 30 kilometra dhe deri më tash janë shtruar me asphalt mbi 16 kilometra.
Kjo rrugë shihet si jetësore edhe për zhvillimin e turizmit në këtë anë të Dukagjinit. Njihet si ”rruga e jetës”.
Në këtë vizitë, Haradinaj është shoqëruar nga kryetari i Deçanit, Bashkim Ramosaj.