Lumir Abdixhiku për rezultat me Covid-19: Ndjenjë triumfi që po afrohet
Ministri i Infrastrukturës, Lumir Abdixhiku, përmes një shkrimi në Facebook, ka komentuar rezultatet e publikuara nga ministri Vita, me Covid-19.
Abdixhiku thotë se për të dytën ditë radhazi, numri i të shëruarve po e tejkalon numrin e të infektuarve.
Sipas ministrit në detyrë, rezultatet e sotme janë ndjenjë se triumfi që po afrohet.
Ja shkrimi i tij:
Për të dytën ditë radhazi, numri i të shëruarve tejkalon numrin e të infektuarve. Këtë herë trefish më shumë; 31-10. Ndjenjë lehtësimi. Ndjenjë triumfi që po afrohet. Kujdesi duhet të vazhdojë. Lehtësimet duhet dhe po nisin. Rimëkëmbja po na pret. S’do të jetë e lehtë por asgjë me kaq shumë vullnet s’duket e pamundshme.
Keni hequr dorë nga gjërat më të bukura tuaja ditore - nga takimi me miq, vizitat me familjarë e puna me bashkëpunëtorë. Jeni e jemi ndarë nga njëri tjetri. Duket e largët dita e fundit normale e jona. Kjo sakrificë po shpaguhet dhe s’ka asgjë më të bukur se kjo. Ju faleminderit të gjithëve për dy ditë të jashtëzakonshme dhe për të tjerat që janë në ardhje.
E bëni mundin e secilit të vlejë.
Kujdesuni për veten.