Albin Kurti i del në ndihmë Preshevës, Medvegjës e Bujanocit – ja sa para janë ndarë në luftën kundër COVID-19

Aktuale

Albin Kurti i del në ndihmë Preshevës, Medvegjës e Bujanocit – ja sa para janë ndarë në luftën kundër COVID-19

Nga: N. H Më: 29 prill 2020 Në ora: 18:14
Albin Kurti

Qeveria e Kurti i del në ndihmë Preshevës, Medvegjës e Bujanocit – ja sa para janë ndarë

Kryeministrit në detyrë, Albin Kurti, ka treguar se qeveria të cilën e udhëheqë, ka ndihmuar Preshevën, Medvegjën e Bujanocin në luftën kundër COVID-19.

Sipas Kurtit, ky vendim vërteton edhe njëherë gatishmërinë dhe interesimin që ne si Qeveri e Kosovës kemi ndaj popullatës shqiptare që jeton në këto komuna.

Ja shkrimi i tij:

Qeveria e Kosovës i del në ndihmë Preshevës, Medvegjës e Bujanocit në luftën kundër COVID-19

Qytetarë të dashur,

Qeveria e Kosovës përmes Ministrisë së Financave dhe Transfereve ka ndarë mjetet për ndihmë financiare në shumën prej 500 mijë euro për komunat me shumicë shqiptare të Preshevës, Medvegjës dhe Bujanocit.

Ky vendim vërteton edhe njëherë gatishmërinë dhe interesimin që ne si Qeveri e Kosovës kemi ndaj popullatës shqiptare që jeton në këto komuna. Më e rëndësishme për ne në këto momente është që të solidarizohemi me qytetarët, në mënyrë që ata të marrin trajtimin bazik të mjaftueshëm për të mbrojtur shëndetin e tyre.

Jemi të vetëdijshëm që situata me COVID-19 ka rritur jashtëzakonisht nevojat sa i përket pajisjeve mjekësore dhe që buxheti i cili fillimisht është ndarë për pjesën e shëndetësisë është i ultë për shumë institucione. Me këtë ndihmë financiare ne kemi arritur t'i ndihmojmë sadopak këto komuna që të mund të ballafaqohen me vështirësitë që i ka sjellë Coronavirusi në shumë aspekte. Në këtë vendim, mjetet financiare janë ndarë në këtë mënyrë:

- Për Preshevën kemi ndarë 200,000 mijë euro,
- Për Bujanocin kemi ndarë 200,000 mijë euro,
- Për Medvegjën kemi ndarë 100,000 mijë euro.

Këto pagesa janë realizuar më 27 prill, nga llogaria e Thesarit në Bankën Qendrore të Republikës së Kosovës, përmes bankës korrespondente “Deutsche Bank AG”, në llogaritë e këtyre tri komunave në Bankën Qendrore të Serbisë.

commentFirst article
Sot mund të lexoni Shfletoni kopertinat