Zëdhënësi i të dërguarit special të presidentit amerikan për bisedime mes Kosovës dhe Serbisë Riçard Grenell ka deklaruar rreth mundësisë së përfshirjes së Rusisë në dialogun mes Beogradit dhe Prishtinës se është i mirëseardhur secili që do të ndihmoj në stabilitet edhe paqe, shkruan “Danas” transmeton “Bota Sot”.
„Çdonjëri është i mirëseardhur që të kontribuoj me ide që do të ndihmojë stabilitetin , paqen dhe prosperitetin e Serbisë dhe Kosovës” ka thënë zëdhënësi Dik Kastin për Radio Evropa e Lirë (RSE).
RSE ka pyetur Kastin nëse ShBA konsiderojnë se në KS të OKB-së duhet të miratohet rezoluta e re për Kosovën dhe nëse ka hapësirë për përfshirjen e Rusisë në bisedimet mes Prishtinës dhe Beogradit.
Ambasadori rus në Serbi Aleksandar Bocan-Harçenko ka deklaruar se zgjidhja definitive për Kosovën duhet të vendoset në Këshillin e Sigurimit të OKB-së dhe atë me miratimin e rezolutës së re që do të zëvendësoj rezolutën 1244.
Ndërsa rreth mundësisë së përfshirjes së Rusisë zyrtare në bisedime për Kosovën Harçenko ka thënë se “ është i nevojshme ftesa nga Beogradi “.