Themeluesi dhe botuesi i gazetës kombëtare “Bota sott” Xhevdet Mazrekaj, ka publikuar një fotografi të rrallë me Hysen Gërvallen, vëllai i patriotit dhe veprimtarit të shquar çështjes kombëtare, Jusuf Gërvalla.
Mazrekaj ka treguar në Facebook, se kjo fotografi ishte realizuar në vitin 2001 në redaksinë e gazetës në Zvicër.
Në vizitë, përpos Gërvallës që atëkohë ishte kryetar i degës së LDK-së në Zvicër, ishte edhe ish-ministrja Nekibe Kelmendi dhe ish-deputeti i LDK-së Nimon Alimusaj.
Vizita ishte bërë pak kohë pasi LDK-ja kishte fituar zgjedhjet parlamentare, të parat pas mbarimit të luftës.
Postimi i plotë i Mazrekajt në Facebook:
Hysen Gërvalla dhe Dega e LDK-së në Zvicër, mysafirë në redaksinë e gazetës “Bota sot”
Një foto kujtim nga viti 2001. Vizitë e degës së Lidhjes Demokratike të Kosovës në Zvicër, në redaksinë e gazetës kombëtare “Bota sot”.
Nga e majta afër meje, Hysen Gërvalla, vëllai i patriotit dhe veprimtarit të shquar çështjes kombëtare, Jusuf Gërvalla. Atë kohë, Hysen Gërvalla ishte kryetar i degës së LDK-së në Zvicër. Po ashtu, në këtë fotografi janë edhe e madhja Nekibe Kelmendi si dhe në të djathtën time, veprimtari dhe ish deputeti i Kuvendit të Kosovës nga radhët e LDK-së, Nimon Alimusaj.
Kujtoj që kjo vizitë u bë pak kohë pasi LDK kishte fituar zgjedhjet parlamentare, të parat pas mbarimit të luftës.
Gazeta “Bota sot” falë punës së saj atdhetare e kombëtare është nderuar përherë nga figura të shquara të kombit shqiptar, siç ishte rasti i z. Hysen Gërvalla dhe gjithë degës së LDK-së në Zvicër.