Shefi i Grupit Parlamentar të PDK-së, Bedri Hamza, pas mbledhjes së kryesisë deklaroi se Vetëvendosje po e bllokon punën e Kuvendit.
“Këta që kanë ardhur në Qeveri e janë shkarkua e prapë dëshirojnë të vijnë në Qeveri po e bllokojnë punën e Kuvendit”, ka thënë shefi i deputetëve të PDK’së.
Hamza theksoi se PDK-ja ka bërë nisma ligjore për t’i ndihmuar bizneset e qytetarët, por që ato nuk po mbështeten.
Ai potencoi se pa pasur një bazë ligjore nuk mund të implementohet masat ekonomike.
“Ka dy muaj në përputhje me kushtetutën e vendit i kemi bërë disa nisma për përkrahje të bizneseve dhe qytetarëve në përgjithësi. Pa pas një bazë ligjore legale nuk ka mundësi që masat ekonomike të implementohen. Nuk ka vullnet të partive, çdo ditë që vonohemi efekti k me qenë më i madh dhe parat që jepen nuk kanë me pasur efektin e njëjtë”, u shpreh Hamza.
